وجع حب وجع خوف وجع شوق وجع ضيقه
على كيفك وهاك إختار هذي سلة أوجاعي
غلا وإسمع نزيف الجرح كلام الصمت ماأطيقه
أنا محتاج أسولف لك عن أول وأخر أوضاعي
وأبد لايجرحك صوتي حياة الطير تحليقه
وعليك الله تصير الكون والمسباق والداعي
أنا أصدق طير بالدنيا عشق حتى مسابيقه
ولكني معك بديت أذكر أيام مرباعي
تعال إفتح كفوفك حلم وأموت بيوم تحقيقه
تعال إرسم بحور العشق وكسر لو تبي شراعي
تعبت أفتش الدفتر وأحس بحزن تطبيقه
دخيلك غمض عيوني وخل الشوف لإصباعي
أبي غيم سرق ربعي وذلهم بتشويقه
أكون أول بشر مجنون تزوره بالعطش قاعي
وحتى لو وهم تكفى ابتوهم بتصديقه
أبي ذاتي أبي مولد يوازي صرخه الناعي
أحس بداخلي عالم حرام أقتل مخاليقه
حرام أسكت وأنا صوتي نذرته وجه لأتباعي
ياأول قلب يبكي لي وتبكيني مواثيقه
أنا أطباعي ماهي زينه ولكن هذي أطباعي
تغرب بي قوافل موت أقول العمر تشريقه
أعيش بشبه غيبوبه وأعرف إن الزمن واعي
أكمل لك؟ وجع خوف وجع شوق وجع ضيقه
وعلى كيفك ترتبني حلالك بالهوى أوجاعي
م ن ق و ل