أنا أهنيك من قلبي قدرت إنك تبكيني
وحق الله يالغالي أنا من القلب هنيتك
كذا روحي تعللها ولا لي من يواسيني
وأنا اللي بكل معنى الحب والإحساس حبيتك
حبيبي قول مابقلبك إذا زعلان صافيني
تدري كم أنا أحبك وتدري كم صافيتك
أنا مقدر على زعلك ولا إنك تجافيني
عساني ماتهنى لو أنا في يوم جافيتك
أريدك ماتصدقهم كل اللي حكو فيني
عذول وفيهم الغيره عشان بعمري أنا فديتك
حبك ساكن بقلبي ويجري في شراييني
عشقتك يوم ماشفتك وخليل الروح سميتك
تدلل بس على روحي ولو تطلب نظر عيني
وحق الواحد المعبود معاه القلب أنا عطيتك
ولك عهد الوفا مني أقضي عندك سنيني
مطيع بكل ماتامر ولو حارس على بيتك
منى نفسي أنا أشوفك ولو خلسه بيكفيني
ملكت الكون ساعتها وتاج الراس خليتك
حبيبي لاتعذبني تراه البعد يظنيني
ورجيتك لاتحسسني أنا غلطان لا أغليتك
نار العشق ياعمري ترى بالله تكويني
تشعل في وسط صدري بأول يوم أنا جيتك
حبيبي عودلي أرجواك قبل موتي يوافيني
قبل لاتنطفي شمعة زمان كان مضويتك
مليك الروح لاتنسى إذا ماتقدر تجيني
تذكر يابعد عمري كم أنا تمنيتك
وإذا جالك خبر موتي أنا ماأريد تبكيني
أنا ماأريد أتعذب عشان بيوم بكيتك
ترى لي بس طلب واحد إنت اللي تواريني
تلبسني الكفن بإيدك وقبري تلحده بغيتك
ولو تسمح بدل إسمي شهيد الحب سميني
وعلى قبري إزرع وردة دخيل الله ترجيتك
كفايه عروقها جنبي وسط قبري تسليني
وكل ماتشم زهرتها أنا بالعرق شميتك
ودوس القبر بأقدامك ولو ماتطالعك عيني
ترد الروح في جسمي وأنا بالطيف ناديتك
وتذكر قسوتك عندي وظلمك يوم ناسيني
ولما تلعب بقلبي كما لعبه مسليتك
وسجل في كتاب الدهر كل اللي جرى فيني
عساه الدهر ينصفني وإنت بعد ياريتك
م ن ق و ل
الخميس مايو 01, 2008 2:25 am